Fëmija i parë dhe vajza e parë e Hëzer Ollomanit, nga Borja, ka lindur me 14.01.1923, në Borje. Shkollën fillore e kreu në Borje.
Në vitin 1943 u fejua me Safet Ramadan Doklen, me të cilin kurërëzoi martesën me 19.09.1944.
Në vitin 1945 shpërngulen familjarisht me banim në qytetin e Kukësit, ku u përshtatën menjëherë me jetën e qytetit. Gjylzadja është ndër gratë e para Borjane që ndëroi veshjen dhe që filloi punë në ndërmarjet shtetërore.
Deri në fillim të vitit 1952 punojnë së bashku me Safetin, privatisht, në profesionin fotograf. Në saj të ushtrimit të profesionit të fotografes në shtëpi, në vitin 1952, Gjylzadja filloi punë në Ndërmarjen Shtetërore të Prodhimeve Artizanale, në Kukës. Për mungesë të repartit në këtë ndërmarje, profesionin e fotografes e ushtroi në shtëpi. Pas vitit 1967 deri në vitin 1970, punoi në Repartin fotografik të Ndërmarjes Komunale, ku ishin të grumbulluar të gjithe fotografët e qytetit. Këtu punoi deri në vitin 1970, pasi doli në pension, në moshën 47 vjeçare, si nënë me shume fëmijë.
Së bashku me Safetin punuan në mënyrë sistematike dhe i ruajtën, i seleksionuan dhe mirëmbajtën të gjithë negativët (filmat).
Pas daljes në pension punuan për përgatitjen e të gjithë fototekës
“S & GJ DOKLE” dhe me dëshirën e tyre për t’ja dhuruar Muzeut të Rrethit të Kukësit. Kjo dëshirë e tyre edhe pse bashkëshorti i saj ndëroi jetë, në vitin 1981, u realizua nga Gjylzadja në vitin 1984. Këtij Muzeu iu dhuruan rreth 22,000 negativë dhe rreth 9,000 fotografi të stampuara.
Në mars të vitit 1996 erdhi familjarisht me banim në Tiranë, ku dhe ndëroi jetë me 28.09.1996.
Eshtrat e saj, së bashku me të Safetit prehen në varrezat e Tiranës.
Është martuar me Safet Ramadan Doklen, i biri i Ramadan Hamza Dokles,nga Borja, nga ku patën 4 djem dhe 3 vajza, Musrifin, Milaimin, Raimen, Luljetën, Ramadanin (Ramçen), Gëzimin dhe Fatmirën.